coffeenowtoday sticker_2020_logo.png
coffeenowtoday sticker_2020_logo_Font.pn
  • Coffeenow.Today

啡遊炮台山 【Kickstart Coffee】

有人問小編:你近排做咩咁勤力出post。

我話:多人睇左,店又開多左,滿足大家需求,供應文章自然多啦

講真,睇我寫嘅野,有人係做咖啡睇到依家,有人未入行睇到入左咖啡行業,仲開埋舖都有,我自己?都係由未做過咖啡到學咖啡,入埋咖啡行業,到依家都要寫!因為咩?初心囉?(唔信你由2012年慢慢追番到天光啦😂



今日就黎到呢間小店,入到店內你會見到好多古董收藏,有英女皇紅色郵筒figure,舊菲林相機,仲有一部只收現金的古董收銀機。每當客人買啡俾錢果陣,你總會聽到叮叮響聲,加埋播放小野麗莎嘅情懷,係人情味啊。


兩位拍檔喜愛收藏,店中所有野都一手包辦,吊在長木上的鎢絲燈藏於花瓶內,木板上的字跡由人手燙寫出來,令我覺得成間咖啡店好貼地。

咖啡方面,小編覺得店主很用心去沖每一杯俾我,我先後飲左三杯,分別是:Espresso,Flat White,同一杯手沖,全部都係本地本地本地烘焙!先講Espresso,豆是屬於中烘,由埃塞俄比亞及洪都拉斯拼配而成,入口甜度很高,酸度偏低,風味有紅糖,合桃,但後尾帶有點粉粉的感覺,小編是覺得因器材限制受影響,但對於有限的環境而沖到這一杯係值得加分。 奶啡方面,奶泡很幼滑,做到flat white的感覺,silky body,而風味前段有杏仁,中段Caramel,好似食緊Rocha杏仁糖一般。

最後手沖選了 Costa Rica 音樂家系列的貝多芬水洗,輕輕的玫瑰感覺,但風味以桂圓風味較為明顯,有少少似飲緊Cascara Tea。


近排好多店都可能以打卡為主,其實仲有好多有心小店都可以推介俾大家。


Kickstart Coffee: 北角炮台山京華道富利來商場地下7號地鋪 營業時間: 睇fb 啦~~ Kickstartcoffee.hk #啡遊炮台山 #營養篇 #炮台山開始旺起來 #飲下啡同店主傾下計都不錯呀




0 views
  • Instagram的 - 黑圈
  • Facebook的 - 黑圈

©2016 by coffeenow.today